ياللي وصلت بطيبتك من اعلى اعناق الوصول
اشهد ويشهد كل شخص انك بافعالك بنيت
كم موقف (ن)يحمل ثراك ما تعرف بدربك نزول
كل ما ادور وقفتك القاك يا وافي وفيت
يا من تبسمت بغلاك عنك انا وش بس اقول
والله لو طول السنين انطق بطيبتك ما انتهيت
فعل الشهامه عاليه فيك انت يا ولد الاصول
حتى الكرم وهو الكرم يشهد بافعالك ضويت
انت الذي وصفك بحر يالي باوصافك تطول
لو اكتب اشعار ونثر عنك انا لا ما كفيت
من كثر منبع طيبتك اصبحت انا كلي خجول
غصب على القلب يعشقك في جيتك قلنا ياليت
يا ورد ما يذبل ابد تحتار فيك كل الحلول
ذوقك تعدى كل ذوق نور القمر في كل بيت
يعجز لساني يوصفك يا شامل بوصفك شمول
تروي ظمى كل من عطش ياللي بطيبتك ما ظميت
كلن تمنى شوفتك او شيء من حسنك ينول
تدري مكانك ينبني بين الخلايق اعتليت
مهما تمر فيك الظروف الحسن منك ما يزول
ذيب (ن) يسموك البشر مثلك انا لا ما رايت
وسلامتكم
هذا اقل شيء نقدمه لرئيس يستاهل اكثر
